Niyaməddin Musayev: “Üzeyir Mehdizadəni tanımıram”

Tarix: 30 Mart 2025 08:35

Müğənni Üzeyir Mehdizadə Xalq artisti Niyaməddin Musayevin "Axtarma məni" mahnısını ifa etdiyi üçün tənqid olunur. Niyaməddin Musayev tərəfindən möhürü vurulan mahnını öz tərzində oxuduğu üçün Ü.Mehdizadənin ifası çoxları tərəfindən bəyənilməyib.

Sonxeber.net xəbər verir ki, Niyaməddin Musayev isə Pravda.az-a açıqlamasında deyib ki, Üzeyir Mehdizadəni tanımır, onun ifasında "Axtarma məni" mahnısını eşitməyib.

"İnsanlar müxtəlifdir, hərəsinin bir zövqü var. Mənim mahnımı oxuyubsa, yaxşı oxuyar, pis oxumaz. Sağ olsun ki, nəğmələrimi oxuyur, repertuarıma müraciət edib. Cavan ifaçılara baxıram. Eləsi var, tanıyıram, eləsi var, görməmişəm, əlaqəm yoxdur. Buna görə Üzeyir Mehdizadənin ifa tərzi barədə də fikir bildirə bilmirəm" - N.Musayev qeyd edib.